直擊 Tom N Toms 香港店開幕! 率先試4款必食吐司 |沙田有咩好食|

韓國熱潮停不了!除咗陸續有韓國餐廳嚟香港開分店,就連韓國連鎖咖啡店都襲港。上星期已有消息話 Tom N Toms Coffee開首間香港分店,等咗咁耐聽日(3月31日)終於喺沙田開幕,記者率先為大家直撃店內嘅美食同特飲!

Tom n Toms 香港店嘅所有飲品都係由韓國進口,咖啡豆來自韓國烘焙工廠,自家烘焙出韓國人喜愛嘅口味。而食物方面,麵團由韓國進口,亦會用返韓國製法,店員都要由韓國培訓返嚟香港,保證大家可以食返韓國嘅味道。

沙田 Tom n toms

香港店都會有非常受歡迎嘅吐司,亦會有捲餅同Pizza食,但款式就冇韓國咁多,可能會有少少失望喇。

必食韓式吐司!

咖啡店嘅人氣吐司都係必食之選,吐司即叫即烘,熱辣辣之餘又外脆內軟,而喺韓國最多人揀嘅口味就係蜂蜜奶油吐司,成坐山嘅Cream配肉桂粉、蜂蜜同焦糖糖漿,甜度啱啱好,唔會太膩。吐司加$15-20就可以轉套餐,配咖啡、茶或特飲,價錢都合理。

沙田_ Tom n toms _蜂蜜奶油吐司 1

蜂蜜奶油吐司 $55

沙田_tomntoms_朱古力奶油吐司

朱古力奶油吐司,朱古力味唔算濃,雖然都好多cream,但食落有少少dry。($55)

沙田_tomntoms_蜂蜜芝士吐司

蜂蜜芝士吐司,由外到內都有鹹味芝士,再配甜蜂蜜糖漿,味道好match!($55)

沙田_tomntoms_蒜泥奶油吐司

蒜泥奶油吐司係唯一一款鹹味吐司。 ($45)

發表於 未分類

Miffy登陸銅鑼灣! 8款得意精品+2大影相位逐個睇|銅鑼灣好去處|

來自荷蘭的白色兔兔Miffy來到香港同大家見面!今次Miffy除了同屋企人過來香港同大家聚一聚,仲帶埋一班動物朋友仔一齊來過復活節。即刻同大家直擊Miffy登陸銅鑼灣實況,介紹返8款得意精品,再介紹埋同Miffy合照嘅2大影相位!

miffy_銅鑼灣_hysanplace

8款得意精品逐件睇!

今次Miffy來到香港會有pop-up store,入面會有可愛Miffy公仔、精品和小食。其中,入面有7款精品仲要係香港獨家發售,香港愛Miffy的朋友們可以趁機會集齊精品啦!另外,亦有得買來自世界各地的Miffy精品,我就鍾意Miffy一班動物朋友嘅公仔,你地又鍾意邊款呢?

小食類:

1. MIFFY雪條!影相呃LIKE又好味!

Miffy雪條總共有4款口味,芝士蛋糕、草莓乳酪、楊枝甘露和雙重朱古力。記者試食了芝士蛋糕味,奶味夠濃,芝士味都幾香,重點係造型勁得意,可以同Miffy擺設影相呢!Miffy雪條即日新鮮製造,每日共限量發售100支,每次只限購買兩支㗎咋!

Miffy雪條 $50/1支

2. 人氣甜品店蝴蝶酥!食完仲有靚靚鐵罐留念

Miffy蝴蝶酥由本地甜品店小甜谷主理,每日新鮮出爐,入口都幾香脆,而且又有兩款靚靚Miffy鐵罐可以用來裝嘢,夠晒實用!

Miffy蝴蝶酥(一罐10塊) $90/1罐;$160/2罐

公仔類:

3. 笨笨的復活蛋造型MIFFY!

Miffy復活蛋造型毛公仔,都有點重量,因為蛋殻部分入面裝左豆豆,唔係全隻都係綿花。見住佢呆呆的坐住隻黃色復活蛋,大朋友小朋友都想擁有佢啊!

10吋Miffy毛公仔 $290

4. 趣怪表情MIFFY公仔球

Miffy迷你毛公仔套裝,一盒三款,每隻都有趣怪表情造型,得意又抵死!

Miffy迷你毛公仔套裝(一套三個) $220

發表於 未分類

2個唐樓中的寶藏! 尋西九懷舊味道 |長沙灣好去處|

政府瘋狂拆古蹟,「領展」舊街市,以為香港人貪新忘舊?其實真‧香港人都很 懷舊 。在城市一角中,有班傻人默默收集舊物,亦有人投資50萬,在戰前舊唐樓開店,只為支持港產。所以話,當亞視也可以永恒,舊物又怎會不能?

美樂雜貨店

哥賣的不是懷舊貨 是生活

「唔好成日話我賣懷舊嘢,我都有賣其他得意嘢㗎。」對!與其說美樂 是一家Vintage 小店,不如說它是生活雜貨店更恰當。它賣的,是過去,但 又是一種生活。老闆Patrick 經營鈕扣生意,閒時喜歡去旅行,更必在當地 搜羅得意嘢。事業有成做自己喜歡的事,特意在公司闢出空間開店。你說 全店都是懷舊貨,難道不是Vintage 店?其實Patrick 入貨唯一原則就是要 他喜歡就可。所以除了舊物外,還有不少玩味十足的貨品,例如可保存25 年的餅乾,而舊物大部分都是高質Dead Stock,好舊又不好二手貨的你有 福了。Patrick 更透露將會與其他本地懷舊小店如利記士多、Ztore 等 Crossover,喜歡舊物的要留意了。

走馬燈時鐘

店主Patrick 美樂雜貨店坐著的木工枱已有過百年歷史,仍非常實淨。他另外推介枱上的三款古早風箱櫃,每樣限量發售,要買趁手。

長沙灣_02

鞍馬

罐頭餅乾

109 copy

好揸手,不過唔好開錯圖中的超舊百事,只供觀賞

103 copy

104 copy

112 copy

111 copy

Pm2 store 美樂雜貨店

營業時間: 星期一至五(1pm-6:30pm)星期六(2pm-6:pm)星期日及公眾假期休息
地址:長沙灣青山道500號百美工廠大廈12C(顯示地圖)
查詢:9223 8538

發表於 未分類

布甸狗+Minions!8大復活節必去影相位

話咁快又到復活節了,一眾卡通人物空群出動來到香港陪大家過節,Minions、布甸狗當然吸引,仲連高達、Kanahei’s兔兔都有!今次為大家集合了8個復活節必到的影相位,預祝大家復活節快樂,呃多點like!

1. MINIONS復活歷奇之旅

呢3隻黃色迷你兵經常都有新搞作,今次就來到馬鞍山同大家玩遊戲、影3D相!

馬鞍山 新港城 復活節 Minions

馬鞍山 新港城 復活節 Minions

遊戲一共有3個,分別是彩虹天地大捕捉、開心復活蛋大運送以及森林木槌大挑戰,經記者實測,森林木槌大挑戰最難玩,試了十多次,沒有一次成功過,可惡!

馬鞍山 新港城 復活節 Minions

不過今次場地不太大,而且Minions以紙板公仔為主,有少少失望。

迷你兵團復活歷奇之旅

地點:馬鞍山新港城中心L2天幕廣場(顯示地圖
日期:3月19日至4月12日

2. 布甸狗20周年慶生

不經不覺,原來布甸狗來到了第20個年頭,今次佢就帶埋6個全新造型,來到尖沙咀同大家慶生過復活節。

布甸狗 復活節 尖沙咀 The ONE

記者最鍾意就是胖胖布甸狗和博士布甸狗,兩隻都是圓碌碌,好得意!

布甸狗 復活節 尖沙咀 The ONE

同場還有期間限定店,出售多款布甸狗產品,粉絲們記得帶備足夠銀彈。

布甸狗 復活節 尖沙咀 The ONE

THE ONE POMPOMPURIN 20週年夢工場

地點:尖沙咀The ONE UG2中庭及露天廣場(顯示地圖
日期:2016年3月19日至5月8日
時間:10am-10pm

發表於 未分類