必吃Smile新品!大熱綠茶Froyo 【九龍城食乜好】

Froyo店中,Smile Yogurt絕對是高班,Hello Pinkey食極都唔厭,聽到有新口味推出,是綠茶配料,當然要衝去試啦!

8款配料,有一半是綠茶,綠茶Melty Kiss朱古力味濃柔滑,配Froyo超好食;綠茶布甸好幼滑;朱古力Brownie味濃好,與綠茶好夾,仲有煙麻糬的麻糬;脆口的芝麻脆脆;清新的芒果粒,整體口感有層次,好食!不過食食下,諗起如果連個froyo本身都是綠茶味,就真係堅正囉!

smile_froyo_綠茶

smile_froyo_綠茶

smile_froyo_綠茶

SMILE YOGURT & DESSERT BAR

地址:九龍城獅子石道65號地下 (顯示地圖)
電話:2382 6669
備註:另於尖沙咀、旺角、銅鑼灣設分店

發表於 未分類

韓國香港賣斷市!!濃味必食

估唔到去到今年今日,連雪條都要搶,都要爭!最近OK便利店引入左咗喺韓國一度賣斷市的芝士雪條同芒果雪條。唔少人試過都話好ok,味道足夠又不會過濃。來自品牌Lavelee라벨리的雪條,味道濃郁,芝士味食落似冰冰的芝士雪條,芒果味咬落啖啖肉(30%芒果的完美份量),而且價錢只不過係$8.9,都幾抵食!

12112422_10153000899657583_7569513966284568416_n

我哋睇睇BLOGGER試食後感先!

Credit: hkfoodiexblogger

hkfoodiexblogger: Omg 芝士雪條 $8.9 韓國Lavelee 既芝士味雪條,OK 便利店有售,只賣到10月14日,有d人話有d分店賣到斷市,我見到有就當然買番幾支啦。芝士味唔濃但都幾香,比較甜質感好似食緊cheesecake 咁幾dense但不失軟綿整體以$8.9來說…無得complain d咩啦係咪先!

評分: 6.8/10

Credit: purpledorothy

purpledorothy: 聽講呢支野全城都在搶著試。琴晚食完火鍋係OK 搵到,唔洗十蚊,似冰凍的cheese cake ,我見雪櫃仲有好多條,未比人搶哂啊

Credit: hkfoodprint

hkfoodprint: 芝士雪條 $8.9
評分: 8.5/10

賣到迅間斷市既芝士雪條,好好彩係油麻地見到有得賣味道方面,芝士味十分香濃,食落甜中帶咸而且入口creamy,就好似食緊雪凍既軟芝士$8.9超值喔!

Credit: hkfoodprint

hkfoodprint: 芒果雪條 $8.9
評分: 8/10搶完芝士雪條,另一樣搶既
係芒果雪條食落芒果味濃,吾會死甜,味道真係好似食芒果咁而且食落軟身,吾似食平時硬身雪條,返而有點似食緊芒果咁
發表於 未分類

【中環好去處】周末玩轉兩大懷舊市集 回到六十年代

等呀等…終於等到放假啦!平時放假一定瞓到天昏地暗唔出街,不過今個周末有兩大懷舊市集打孖上:Beertopia大玩美國西部風情,將中環海濱變身美國小鎮;香港復古嘉年華有優雅老爺車列陣,仲有DJ現場狂歡,最適合唔想行街睇戲食飯兼且同人迫餐懵的香港人,你又點可以錯過!

香港復古嘉年華就最啱孝子賢孫感受一下童年的回憶!今次嘉年華以一眾歷史悠久的老爺車為主角,無論精緻路線、氣派設計、迷人風格、古典氣息、珍貴典藏的車系都一應俱全,總值超過HK$2億,聽到都嚇一跳!除了不同車種外,場內亦有不同的賽車模擬遊戲、現場樂隊和DJ、兒童遊戲、電影、美食、古董及奢侈品市集,還有復古美容服務、拍賣會、野餐……多到數唔哂!

發表於 未分類

【 大閘蟹 】秋天必食!最平$208任食大閘蟹

秋天蒞臨,意味品蟹嘅季節已到!市面上即刻有2間「以本傷人」任食 大閘蟹 ,蟹公蟹乸任你揀,最平$208加一就有交易!

打響頭炮就係呢間位於元朗、土瓜灣嘅 大閘蟹 專門店,晚上10點後入座可以每位$208任食3-4両的太湖 大閘蟹 ,10點前則每位$228,限時75分鐘。雖然個size唔算好大,但勝在任食,有男網民話食四隻已經頂住咗,失去戰鬥能力喇!不過大閘蟹始終係寒涼食品,一時三刻食咁多,好易出事㗎嘛。好彩,呢間店可任飲薑茶及汽水,非常窩心!怕寒涼就飲多杯薑茶驅驅風吧。

發表於 未分類

【掃街王】$20抵食千層蛋糕!戲棚原個西瓜冰登陸九龍城

九龍城乃香港美食之重鎮,三個月一小變,半年一大變,今次掃街王重臨此地,竟發現各區的名物小食都爭相來到此地爭一席之位,好似青衣戲棚日賣千個的原個西瓜冰、西貢的炸Oreo同樣登陸,同大家一齊掃一掃!

1. 青衣戲棚名物 原個西瓜冰與奇味炸餃子!

還記得今年青衣戲棚,日賣千個的原個西瓜冰嗎?原來戲棚的店主是元朗一知名水餃店的店主,這次登陸九龍城,大賣原個西瓜冰之外,還保留在元朗受歡迎的炸餃子,炸餃子單是餡料經已非常特別,有金菇肥牛、芝士Pizza豬肉與印度咖哩炸餃,還有幾款創意小城,同九龍城街坊分享!

九龍城, 掃街, 原個西瓜

九龍城, 掃街, 原個西瓜

九龍城, 掃街, 炸餃子

九龍城, 掃街, 豬扒飯

街頭霸王小食
地址:九龍城賈炳達道113號地舖
營業時間:10am – 9pm (星期一至日)

2. 西貢名物 炸Oreo配Gelato

西貢名物嘅炸魚薯條店同樣落户九龍城,原來的外賣店更首設堂食,保留了受歡迎炸Oreo之外也推出更多炸物套餐,炸Oreo繼續保持水準,酥脆的外皮與高溫油炸後內裡如蛋糕的鬆軟質惑,再配上開心果雪糕,正!

九龍城, 掃街, 炸Oreo

九龍城, 掃街, 炸雞薯條

Chip In Fish & Chips Bistro
地址:九龍城侯王道2B地下(顯示地圖
營業時間:11:30am – 10pm (星期一至日)

發表於 未分類

尖沙咀好去處! 誠品生活正式試業!!!

講咗咁耐,誠品生活尖沙咀店今日(10月1日)終於正式試業喇,以後唔洗特登過海都可以行誠品!講到明係誠品生活,除咗書之外就梗係有其他嘢賣啦,今次引入咗42個品牌,當中仲超過一半係來自台灣添!

尖沙咀分店有兩層,單層面積比銅鑼灣分店大,行起上嚟比較舒服,兩層分別以創意生活同人文藝術為主題,有得買又有得食。不過正因為又有書賣,又有唔同品牌嘅專櫃同食店,所以行起上嚟都有少少迷茫,感覺規劃得有d亂。

發表於 未分類

喪屍 殺入工廈 槍擊版密室逃出!!!!!!

臨近萬聖節,嘩鬼 喪屍 們齊齊出動,今次殺到入工廈,等住大家去搵出血清拯救地球。今次期間限定的「潛逃 喪屍 工廈」,集槍擊、密室同鬼屋於一身,挑戰玩家膽量與智慧。

玩家今次要化身亂世中俠醫,潛入廢置化工廠,搵出血清,解碼救地球。同時,化工廠內 喪屍 隨時出現,玩家要以氣槍射擊誘捕器引開 喪屍 ,鬥智又鬥力。

有別於傳統 喪屍 射擊遊戲,今次採用氣槍,即俗稱BB彈槍,因此基於安全問題,遊戲並非射 喪屍 ,而是射誘捕器。

發表於 未分類